بسم الله الرحمن الرحيم
السلام عليكم ورحمة الله وبركاتة
بصراحة ترددت كثير قبل كتابة الموضوع
ساعة اقول مايسوى اتكلم فية وساعة اذكره وانقهر والله انه شي مؤسف جداً جداً
الموضوع بإختصار
ذهبت الى بنك الرياض لفتح حساب لديهم وعند محادثتي لمسؤلة خدمة العملاء عن الوظائف وكيفية التقديم وقلت اضرب عصفورين بحجر منها افتح حساب ومنها اقدم اوراقي للوظيفة
فعلاً ماقصرت معي دخلتني على مديرة القسم الأستاذة نادية في فرع الجبيل
المهم صورت اوراقي وشهاداتي وقالت انشالله بيننا اتصال اذا وجدت اي وظيفة شاغرة
المهم كان سبب فتحي للحساب هو الدخول في سوق الأسهم
تأخرت المحفظة ولم تفعل اسابيع وانا انتظر اتصلت بالفرع الي تم فتح الحساب لديهم بدون فايده اتصلت بمدير الفرع بدون فائدة المهم الى ان اتصلت بخدمة العملاء وتمت خدمتي وافادتي بأنه يجب الإكتتاب لتفعيل حساب المحفظه
موضوعي لا هو فتح محفظة ولا فتح حساب موضوعي انا ادور وظيفة في يوم من الأيام جاني رقم غريب من الرياض(014068314)
ارد والا هي وحدة اسمها سوسن
المكالمة كالآتي
سوسن : الو... انتي فلانه
انا : نعم انا فلانة .. هلا اي خدمة
سوسن : انا سوسن من بنك الرياض
انا : هلا والله " فز قلبي"
سوسن : راجعي الادارة الإقليمية اخت ......
انا : وين مقرها
سوسن : اقرب مقر انتي وين ساكنة
انا : بالشرقية
سوسن : مبني الدمام
انا : انشالله بس لية
سوسن : مقر الإدارة الإقليمية قسم توظيف تلقين وحدة اسمها ليلى
انا : الدمام بعيدة يا أخت سوسن عطيني رقم ادق عليهم واكلمهم
سوسن : لازم تروحين اخت .... لإكمال بعض إجراءات التوظيف
انتهت المكالمة
انا بحكم ضروف عمل زوجي اسكن في الأحساء وزوجي موظف شركة ارامكو
ساعه يكون بحرض وساعة يوصل شغلة الى الخرج فصعب عليه يوديني وأنايوم افتح حسابي كنت عند اهلي بالجبيل عيد الأضحى ماني مقيمه هناك
المهم قمت اتقلب على جمر من يوصلني لهم وكيف اروح
الى ان اتفقت مع زوجي ان اروح لأهلي الى الجبيل وطبعاً الجبيل تبعد عن المقر ساعه وعن سكني اربع ساعات فيها تعب ومشقة بس الي يبي الدح مايقول اح
المهم رحت لأهلي بالجبيل الوالد الله يطول بعمره اخذ اجازه لأجل يوديني لهم
وصلت بعد كل ذا التعب الدنيا هناك زحمه الشوارع مابها محط رجل وقفنا السيارة بعيد عن المقر وصرنا نمشي برجولنا حول الربع ساعه لين وصلنا
المهم الحين نبي ندخل المبنى السكرتيه على باب المبنى مايدخلون اي احد المهم سألوا الوالد لمين انتم جايين ( لقسم التوظيف او للأقسام الثانية ) رد الوالد نعم قسم التوظيف سألوا عن اسم الموظفه كأنهم يحققون معنا يوم قلنا ليلى على طول بدون مقدمات قالوا الله يوفقها أدخلوا أدخلوا..
صعدت فوق قسم التوظيف النسائي
وصلت ولقيت موظفة داخل غرفة احترمتها ولا حبيت ازعجها جلست برى طبعاً يوم دخلت شافتني
طنشت
جاها تلفون وانا طبعاً انتظر وبصراحة حسيت ان نفسها شييينه هذا الي خلاني انتظر ولا رحت لها
المهم طولت بالمكالمة ربع ساعة كلام فاااااضي وش شريتي انا اكلت مدري ايش فلانة الله لايوفقها سمعتي وش قالت لا لا ماعجبني فستانها
هذي اشكال الموظفات مع كل الأسفففففففففف
المهم
الى ان احد دق باب القسم الا هو الهندي جايب لها فول ومدري ايش فطورها
فكت الباب واستلمت الطلب وطالعت فيني ومشت رجعت لغرفتها
طبعاً هذا الوقت كلة ابوي واقف على رجوله برى
بعد ساعه تقريباً تنزلت تجي تسألني
مين انتي.. قلت لها انا فلانة الي اتصلتوا علي وقلتوا لي اراجعكم
نظرت بنظرة استحقار احنا اتصلنا .. قلت لها نعم وطلبتوا مني المراجعه
اخذت اوراقي بدون ماتشوفها تأشر على الأوراق تقول هذا الملف مايهمني وين السي في حقك قلت لها من ضمن الأوراق الي في الملف قالت :قلت لك مايهمني هذا الملف السي في على الموقع تبع البنك خليك راقيه
انا استغربت ردها لي واستحقارها للناس الى هذي الدرجه ماألومها الوم من عطاها هذا المنصب مع الأسف
المهم قالت من وين جايه قلت لها من الأحساء قالت "انتي مستحيل تتوظفين عندنا كل هذا غباء جاية من الأحساء الى هنا كان سجلتي على الموقع " بالله عليكم هذا رد موظفه محترمه
مع العلم انني قبل ماأروح لها سجلت على موقع البنك من قبل سنتين
انا مو على اني سجلت او ماسجلت انا على الإحترام , الأخلاق , الدين الي يحث المؤمن انه يتحلى بأخلاق النبي الأكرم والله ماهمني كيف قابلتني
ابوي وش ذنبه بهذلته كل هالبهذله على ولا شي زوجي ولدي الي تركتهم عشان اقابل خشتها
الى متى الى متى وحنا نشوف ونقابل ناس بهالسوء وهالأخلاق المترديه المنحطة
حامت كبودناااااا والله انهم وباااء على هذي الأرض انا اناشد كل المسؤلين وكل من بيده ان يفعل شيء ياخي انتقى ناس كفؤ ناس على مستوى رااقي من الأخلاق وقبل كل شي الخوف من الله
والله العظيم انها اهانتني بدون سبب انا فعلته ولا اقول الا الله يعين الي تحت يدها من الموظفات لأني جلست اسجل بعض البيانات وهي قاعده تكلم وحده بالتلفون تقول لها انتي تجين الأسبوع الجاي وفلانه انا بأصرفها ماأبي أشوف رقعة وجهها الى ان اصدر في حقها قرار الفصل يعني حتى في ارزاق الناس تتلاعب ليه طيب والله حرام حرااام هذي الأشكال تنحط في مناصب زي كذا يا جماعة اذا كلامي يخدش الحياء ويخل بالآداب قولولي فهموني
طيب في وضع مثل كذا كيف اتصرف والله انها سكت الدنيا بعيني وضاقت يوم عرفت انها ظالمه من حولها من الموظفات حمدت ربي وشكرته انها جات على كذا بيني وبينها وماني موظفه عندها ولا تتحكم برزقتي ورزقة عيالي
لا وتطلع للهندي بدون عباة ببنطلونها ولا همها كأن هالهندي صنم ماهو رجال غريب
حسبي عليها من عينه ماتنام ولا عن افعالها غافل هذا الي اقوله
كل كلمه قلتها الله شاهد عليها لا زدت ولا نقصت
دليل المواقع
هذي اشكال الموظفات مع كل الأسفففففففففف
...
العرض العادي
